«Ынтымагы бар элдин ырыскысы мол болот» деп бекеринен айтылбаса керек. 2025-жылдын 25-февраль күнү
Жаштарды жана улуу муундарды ынтымакка чакырып, спортко кызыктыруу максатында Талас облусунун Айтматов районунда райондун жетекчиси -акимдин футбол турнири болуп өткөн.
Аталган турнирге Боо-Терек айылынын 35 жаштан жогору болгон футбол боюнча курама командасы барып катышып, кызыктуу оюн көрсөтүштү.
Эске сала кетсем Боо-Терек командасы буга чейин дагы спорттун футбол түрү боюнча болуп өткөн бир катар мелдештерде биринчиликти бербей келишкен.
Бул жолу да адаттагыдай алдынкы орунга ээ болуп, футбол сүйүүчүсү-жеке ишкер тарабынан баш байгеге коюлган АРГЫМАКТЫ илип кетишти. Баракелде, азаматсыздар!
Сыйлыгыбыз кут болсун Боо-Терек эли!
